Tökum samtalið

Heilbrigð vinnustaðamenning gerist ekki af sjálfu sér

Hún verður til í samtölunum, í viðbrögðunum, í því sem við styrkjum og því sem við veljum að láta ekki viðgangast.

Hjá Mental vinnum við með vinnustöðum sem vilja hlúa markvisst að fólkinu sínu, styrkja stjórnendur og skapa vinnuumhverfi þar sem bæði fólk og starfsemi geta blómstrað.

Stundum byrjar það á einni vinnustofu. 
Stundum á úttekt. 
Stundum er þörf á lengra samstarfi. 

Það fyrsta sem við þurfum að gera er einfaldlega að taka samtalið.
Write your awesome label here.

Hvernig getum við stutt við ykkur?

Þekking sem verður að færni

Fræðsla & vinnustofur

Fræðsla á ekki bara að vera áhugaverð, heldur ætti hún ávallt að skila sér inn í daglegt starf. 

Vinnustofur Mental byggja á fræðslu, umræðu, hagnýtum verkfærum og markvissri eftirfylgni.

Sama hvort um ræðir fræðslu eða vinnustofur, þá er það okkur hjá Mental hugleikið að efnið skili sér með skilvirkum hætti inn í störf og líf einstaklinga. 

Þegar skýra þarf sýnina

Úttektir og vinnuvernd

Stundum er nauðsynlegt að staldra við og fá skýrari mynd af því sem er raunverulega að gerast. 

Mental framkvæmir úttektir og greiningar þar sem markmiðið er ekki einungis að finna hvað er að heldur einnig hvað hefur nú þegar verið byggt upp, hvar tækifærin liggja og hvaða skref eru líklegust til að skila raunverulegum breytingum. 

Skýr mörk & sameiginleg ábyrgð

EKKO - fræðsla og forvarnir

EKKO má ekki aðeins vera eitthvað sem vinnustaðurinn bregst við þegar mál koma upp.

Öflug EKKO vinna snýst líka um forvarnir, sameiginlegan skilning á hegðun og mörkum og það að fólk viti hvert það getur leitað þegar eitthvað gerist.

Mental getur stutt við allt ferlið, meðal annars með fræðslu, stefnugerð og viðbragðsáætlunum. 

Gott verklag styður heilbrigða menningu

Stefnur og ferlar

Menningin verður til í daglegum samskiptum en skýr umgjörð hjálpar okkur að vita hvað við ætlum að standa fyrir þegar reynir á.

Við vinnum með vinnustöðum að ýmsum stefnum sem byggja á þeirri áherslu að vera ekki skjal sem endar niðri í skúffu.  
Það sem hefur skipt mestu máli fyrir okkur í samstarfinu við Mental er að fá ekki bara ráðgjafa inn í einstök verkefni heldur manneskju sem verður í raun hluti af teyminu.

Með Mannauðsstjóra til leigu höfum við fengið faglegan stuðning í mannauðsmálum, bæði í daglegum úrlausnarefnum, stærri verkefnum og breytingum. Það skiptir miklu að geta leitað til aðila sem þekkir vinnustaðinn, menninguna og starfsfólkið og getur því sett málin hratt í samhengi og stutt stjórnendur við að taka næstu skref.

Fyrir okkur hefur þetta verið sveigjanleg og verðmæt leið til að efla mannauðsstarfið.

Gunnsteinn R. Ómarsson

Framkvæmdastjóri hjá Sameyki

Samfelldur stuðningur

Þegar eitt verkefni er ekki nóg

- 01

Sum verkefni leysast ekki með einni vinnustofu

Breytingar á menningu, samskiptum og líðan gerast sjaldnast á einum degi. Stundum þarf að halda samtalinu lifandi, fylgja verkefnum eftir og byggja markvisst ofan á það sem þegar hefur verið gert.
- 02

Samfella, markmið og eftirfylgni

Í lengra samstarfi mótum við skýrar áherslur og næstu skref með vinnustaðnum. Þannig verður til rauður þráður í vinnunni og verkefnin styðja hvert annað í stað þess að standa ein og sér.
- 03

Mannauðsstjóri til leigu

Faglegur mannauðsstuðningur án þess að ráða mannauðsstjóra í fullt starf. Ráðgjafi Mental kynnist starfseminni, verður hluti af teyminu og styður stjórnendur í bæði daglegum mannauðsmálum og stærri verkefnum.
- 04

Þjónustusamningur

Reglulegur aðgangur að ráðgjöfum Mental þegar þörfin kemur upp. Samstarfið getur falið í sér ráðgjöf við stjórnendur, stuðning í krefjandi málum, eftirfylgni og önnur verkefni sem þróast með starfseminni. 

Getur óskað eftir samtali um þjónustusamning hér : Þjónustusamningur 
„Hjá Tryggingastofnun (TR) er lögð áhersla á jákvæða og uppbyggjandi vinnustaðamenningu til að ná góðum árangri og vellíðan í starfi.

Ég get sagt að vinnan fór langt fram úr okkar væntingum. Vinnan fólst í gerð viðbraðgsáætlunar um ógnandi samskipti viðskiptavina, fræðsluerindi um geðheilbrigði á vinnustað og handleiðslu til starfsfólks í framlínu.

Ég get eindregið mælt með Mental ráðgjöf og er þakklát fyrir þá vinnu sem við höfum farið í saman. Við náðum að setja skýr mörk í samskiptum og opna umræðuna um geðheilbrigði á vinnustað með þeirra ráðgjöf.”
Hólmfríður Erla Finnsdóttir
Mannauðsstjóri TR
Write your awesome label here.

Menningin verður til í samtölunum

  • Þú þarft ekki að vita nákvæmlega hvers þið þarfnist áður en við spjöllum
  • Bókaðu stutt samtal með okkur, án skuldbindinga
  • Segðu okkur frá vinnustaðnum og því sem þú ert að velta fyrir þér
  • Eftir samtalið munt þú vita enn betur hvaða skref þú vilt taka.