Yfirlit

Vinnustofur og námskeið

Efnisyfirlit

Geðheilbrigðir stjórnendur
Viðverustjórnun
Erfið samtöl
Samskipti & sálfræðilegt öryggi
Streitan & streituvaldar
Stjórnendataktur - regluleg innlit og samtöl

Vinnustofur okkar hjá Mental ráðgjöf eru hannaðar með það að markmiði að styrkja stjórnendur og í sumum tilfellum starfsfólk, til að skapa vinnustaðamenningu sem byggir á heilbrigðum samskiptum, trausti og stuðningi við andlega heilsu. Á vinnustofunum vinnum við markvisst að því að efla þekkingu og færni þátttakenda, með áherslu á praktísk verkfæri sem nýtast í daglegu starfi. Við leggjum áherslu á samtal og samvinnu, þar sem þátttakendur fá tækifæri til að spegla eigin reynslu og læra hvernig þeir geta stuðlað að bættri líðan og árangri innan vinnustaðarins.


Á vinnustofunum er einnig lögð áhersla á forvarnir og snemmbæran stuðning. Þátttakendur fá skýra sýn á hvernig þeir geta brugðist við áður en vandamál stigmagnast, og læra að skapa rými fyrir hreinskiptin samskipti, skýr mörk og virðingu. Markmiðið er að byggja upp vinnustaði sem eru sjálfbærir og þar sem hver og einn getur blómstrað og lagt sitt af mörkum.

Geðheilbrigðir stjórnendur



Í viðmiði 4 í leiðbeinandi viðmiðum Alþjóðaheilbrigðismálastofnunarinnar (WHO) er kveðið á um að þjálfa skuli stjórnendur til að styðja við geðheilbrigði starfsfólks og efla þekkingu þeirra og færni í tengslum við geðheilbrigði.

Mental ráðgjöf heldur vinnustofu fyrir stjórnendur sem ætlað er að svara viðmiði 4. Vinnustofunni er ætlað í að efla færni stjórnenda til að þekkja vísbendingar versnandi geðheilsu og færni í að beita úrræðum sem reynast vel í slíkum aðstæðum.

Markmið

Auka vitund og skilning stjórnenda á geðheilbrigði á vinnustað og byggja upp færni og sjálfstraust þeirra til að eiga innihaldsrík samtöl.

Helstu atriði

3 - 4 klst vinnustofa 

Fylgt eftir með tveimur hóphandleiðslum. 

Fyrir alla stjórnendur

Innsýn & færni

Innsýn í einkenni og birtingarmyndir geðvanda, færni til að bera kennsl á, bregðast við og styðja við starfsfólk.

Af hverju?

Geðvandi og neikvæð andleg líðan geta haft áhrif á frammistöðu, líðan, helgun og starfsánægju meðal starfsfólks.
 
Vel heppnuð vinnustofa fyrir stjórnendur sem voru mjög ánægðir. Það er svo gott þegar upplifunin er sú að þú gangi út af vinnustofu með verkfæri í höndunum sem hægt er að nota strax. Við mælum hiklaust með þar sem er á topplista yfir gagnlega fræðsluviðburði.
Inga Jóna Þórisdóttir, fræðslustjóri hjá Vegagerðinni um vinnustofuna Geðheilbrigða stjórnendur

Viðverustjórnun


Árangursrík viðverustjórnun ýtir undir styðjandi og heilbrigða vinnustaðamenningu, bætir starfsánægju og leiðir af sér aukna framleiðni. Viðverustjórnun hefur það að markmiði að draga úr skammtímafjarvistum, sem oft á tíðum eru ófyrirsjáanlegar og skapa óþarfa álag. Öflug viðverustjórnun eykur færni og getu stjórnenda til að bregðast við áskorunum áður en til krísu kemur.

Með árangursríkri viðverustjórnun geta vinnustaðir lækkað kostnað vegna fjarveru starfsfólks, byggt upp traust og ýtt undir helgun starfsfólks. Með því að takast á við skammtímafjarvistir með fyrirbyggjandi hætti stuðla vinnustaðir og stjórnendur að sjálfbærari og heilbrigðari vinnustað.

Markmið

Markviss og hnitmiðuð viðverustjórnun kemur betur til móts við þarfir starfsfólks og vinnustaðar og dregur um leið úr skammtímafjarveru starfsfólks.

Helstu atriði

3 klst vinnustofa 

Fylgt eftir með tveimur hóphandleiðslum. 

Fyrir alla stjórnendur

Innsýn & færni

Aukinn skilningur á því hvernig eigin viðbrögð og athafnir geta bæði bætt og dregið úr geðheilsu og hvernig nýta megi aðferðir HAM í að bæta andlega líðan.

Af hverju?

Geðvandi og einkenni geðvanda geta haft áhrif á frammistöðu, líðan, helgun, viðveru og starfsánægju meðal starfsfólks.
 
Í kjölfarið á uppfærslu viðverustefnu hjá Reykjavíkurborg leituðum við til Mental varðandi þjálfun stjórnenda í viðverusamtölum. Ákveðið var að byggja þjálfunina á vinnustofum og hafa svo handleiðslusamtöl á Teams í kjölfarið. Ánægja stjórnenda með þjálfunina er mikil samkvæmt fræðslumati, og þykir þeim fræðslan áhugaverð, praktísk og skemmtileg. Sérstaða Mental er meðal annars að fjalla sérstaklega um tengsl geðheilbrigðis við fjarvistir og efla stjórnendur í forvarnavinnu á því sviði. 
Ásta Bjarnadótti, skrifstofustjóri starfsþróun og starfsumhverfis hjá Reykjavíkurborg um Viðverustjórnun

Erfið samtöl



Erfið hegðun starfsfólks á vinnustað getur haft alvarlegar afleiðingar fyrir liðsheild, framleiðni og andlega líðan í teymum. Í rannsókn McKinsey (lesa hér) kom fram að erfið og eitruð hegðun er sá þáttur sem hefur hvað neikvæðustu áhrif á líðan starfsfólks, þar með talið einkenni kulnunar og líkur á starfslokum.

Á þessari vinnustofu er fjallað um mikilvægi þess að stjórnendur viðurkenni og taki á slíkri hegðun án tafar og á uppbyggilegan hátt. Stjórnendur öðlast færni, tileinka sér aðferðir og setja fram áætlun um áhrifaríkar leiðir til að taka á erfiðri hegðun.


Markmið

Auka skilning stjórnenda fyrir afleiðingum erfiðrar hegðunar og byggja upp færni og sjálfsöryggi í að nýta sér áhrifaríkar leiðir til að taka á slíkri hegðun

Helstu atriði

3 klst vinnustofa 

Fylgt eftir með tveimur hóphandleiðslum. 

Fyrir alla stjórnendur

Innsýn & færni

Þátttakendur öðlast innsýn í einkenni erfiðrar hegðunar og færni til að  bregðast við með snemmbærum og skilvirkum inngripum.

Af hverju?

Erfið og hegðun og samskipti, sem ekki er gripið inn í, leiðir til neikvæðra og kostnaðarsamra afleiðinga.
 
Við fengum Mental inn með fræðslu og þjálfun fyrir stjórnendateymið okkar. Stjórnendateymið fékk fræðslu og þjálfun í erfiðum samtölum sín á milli, auk heimavinnu sem fól í sér samtöl við undirmenn sem endaði svo með handleiðslufundi með Mental. Að mínu mati hafa fundirnir með stjórnendateyminu verið ákaflega gagnlegir og hreint út sagt nauðsynlegir. Áhrif þessarar vinnu hafa skilað sér beint inn í starfið. Með aukinni æfingu í að taka erfið samtöl valdeflist teymið. 
Linda Rún A. Traustadóttir, leikskólastjóri hjá Reykjavíkurborg - um vinnustofu í krefjandi og erfiðum samskiptum

Samskipti & sálfræðilegt öryggi



Skýrleiki í samskiptum, áræðni og getan til að setja öðrum mörk eru nauðsynleg færni í samskiptum á vinnustöðum. Þessir þættir, auk þess sem kallað hefur verið sálfræðilegt öryggi, skapa grunninn að árangursríkum teymum þar sem öllum líður vel og upplifa sig sem hluta af teymi.

Á þessari vinnustofu er fjallað hlutverk og ábyrgð allra í því að stuðla að hreinskiptum og heilbrigðum samskiptum og helstu einkenni árangursríkra samskipta. Fjallað er um hvernig sjálfstyrk hegðun og áræðni gera okkur kleift að setja heilbrigð mörk.


Markmið

Hentar vel fyrir þau sem vilja auka færni sína í samskiptum, efla sig í áræðni og getu til að setja skýr mörk og stuðla að sálfræðilegu öryggi.

Helstu atriði

3 klst vinnustofa 

Blanda af fræðslu, umræðum og verkefnum

Fyrir allt starfsfólk.

Innsýn & færni

 Innsýn í það hvaða hlutverk hver og einn leikur og eru útbúin með þá nauðsynlegu færni sem þarf til að geta átt í árangursríkum samskiptum.

Af hverju?

Erfið samskipti, átök og óljós mörk fela í sér áskoranir sem mikilvægt er að leysa með hagnýtum aðferðum sem stuðla að styðjandi  starfsumhverfi.
 
Við hjá Five Degrees fengum Hilju hjá Mental ráðgjöf til að koma og fjalla um samskipti, sjálfstyrka hegðun og mörk í lífi og starfi. Fræðslan veitti okkur einstaka innsýn í mikilvægi heilbrigðra samskipta og sjálfstyrkrar hegðunar, vakti okkur til umhugsunar um áhrif óheilbrigðra samskipta á vinnustaðamenningu og afköst og veitti okkur ákveðnar leiðir til að setja öðrum mörk og takast á við krefjandi samtöl. 
Helga Gunnólfsdóttir, Mannauðsstjóri Five Degrees

Streitan & streituvaldar 

Streita getur haft alvarleg áhrif á andlega og líkamlega heilsu, þar á meðal aukna hættu á kulnun, kvíða, þunglyndi og hjarta- og æðasjúkdómum. Með því að veita starfsfólki verkfæri til að greina streituvalda er hægt að grípa fyrr inn í og draga úr þessum neikvæðu áhrifum.

Á vinnustofunni er lögð áhersla á að fræða og auka vitund þátttakenda um neikvæðar afleiðingar streitu, um eigin streitu einkenni og mögulegar leiðir til að takast á við streituna.

Þátttakendur fá að lokum það verkefni að vinna í smærri hópum og gera tillögur að aðgerðum sem líklegar eru til að eyða út eða minnka verulega þá streitu sem fólk finnur fyrir í daglegum störfum.

Markmið

Efla viðstödd í að horfa til þátta í vinnuumhverfi, verkskipulagi, stjórnun og eigin viðbrögðum sem eru líklegir til að stuðla að aukinni streitu.

Helstu atriði

3 klst vinnustofa

Blanda af fræðslu, umræðum og verkefnum

Fyrir allt starfsfólk.

Innsýn & færni

Viðstödd fá innsýn í mismunandi áföll og hin ólíku viðbrögð sem einstaklingar sýna. Farið er yfir hvernig samstarfsfólk og stjórnendur geta veitt sálræna fyrstu hjálp.

Af hverju?

Með því að hlúa að líðan og viðbrögðum fólks á erfiðum tímum byggja vinnustaðir upp menningu samkenndar og skilnings sem stuðlar að bættri seiglu og vellíðan.
 
Við hjá Five Degrees fengum Hilju hjá Mental ráðgjöf til að koma og fjalla um samskipti, sjálfstyrka hegðun og mörk í lífi og starfi. Fræðslan veitti okkur einstaka innsýn í mikilvægi heilbrigðra samskipta og sjálfstyrkrar hegðunar, vakti okkur til umhugsunar um áhrif óheilbrigðra samskipta á vinnustaðamenningu og afköst og veitti okkur ákveðnar leiðir til að setja öðrum mörk og takast á við krefjandi samtöl. 
Helga Gunnólfsdóttir, Mannauðsstjóri Five Degrees

Stjórnendataktur

Regluleg innlit og samtöl


Samræmdur stjórnendataktur er eitt sterkasta verkfæri vinnustaða til að byggja upp traust, öryggi og fyrirsjáanleika.

Regluleg innlit gera boðleiðir skýrari, auka jafnræði og styrkja tengsl stjórnenda og starfsfólks. Hann tryggir að allir hafi jafnt aðgengi að stuðningi, minnkar óvissu og léttir álagi á teymum.

Innlit eru jafnframt öflugar forvarnir sem gera stjórnendum kleift að fylgjast með líðan og vinna vandamál fyrr. Stjórnendataktur styrkir líka stjórnendur sjálfa með betri yfirsýn, auknu öryggi í erfiðum málum og markvissari samskiptum, sem dregur úr streitu og eflir tengsl.

Markmið

Að byggja upp menningu þar sem starfsfólk upplifir sanngirni, fyrirsjáanleika og hlustun sem skilar sér í aukinni vellíðan, helgun og betri árangri á vinnustað.

Helstu atriði

3 - 4 klst vinnustofa 

Fylgt eftir með tveimur hóphandleiðslum. 

Fyrir alla stjórnendur

Innsýn & færni

Innsýn í hvernig regluleg innlit, skýr samskipti og nærvera bæta líðan, auka öryggi og fyrirbyggja álag. Hagnýtar aðferðir til að halda utan um samtöl og viðhalda taktinum á árangursríkan hátt eru kynntar.

Af hverju?

Skortur á skýrum stjórnendatakti skapar óvissu og streitu. Samræmdur taktur eflir traust, bætir samskipti og stuðlar að heilbrigðu og fyrirsjáanlegu vinnuumhverfi þar sem allir ná betri árangri.